|
fimmtudagur, 26 janúar 2012 11:44 |
|
Fimmtudaginn 26. janúar fór hópur nemenda í Hólabrekkuskóla í brekkuna fyrir ofan Jafnarsel á skíði, sleða, bretti, þotur og plastpoka. Þessi föngulegi hópur hafði unnið sér rétt til að fá hluta af degi til að leika sér og var það liður í að umbuna þeim fyrir góða mætingu á haustönn. Bæði kennarar og nemendur skemmtu sér konunglega saman. Nóg var af snjónum og kuldaboli beit aðeins í kinnarnar. Það voru sælir og útiteknir krakkar sem mættu aftur í skólann eftir skemmtilegan morgun. |
|
|
miðvikudagur, 25 janúar 2012 13:14 |
|
Miðvikudaginn 25. janúar var haldið upp á þorrann í skólanum.
Nemendur í öllum árgöngum mættu í tveimur hópum á sal skólans þar
sem skemmtun var haldin.
Mörg hver uppáklædd að íslenskum sið, stúlkurnar voru með fléttur í hárinu
og margir mættu í lopapeysunni sinni. Allir sungu saman undir stjórn
tónmenntakennara, danssýning var haldin, dansaðir voru Skósmiðadansinn, Bompsadaisy, Vínarkrus og Klappenaðe.
|
|
Lesa meira...
|
|
smelltu á myndina til að stækka
Samkvæmt gamalli hefð höldum við upp á þorrann miðvikudaginn 25. janúar í Hólabrekkuskóla. Því hvetjum við alla til að mæta í einhverju þjóðlegu, t.d. lopapeysu, ullarsokkum, með svuntu, hyrnu, lopahúfu og fléttum hárið. Þeir sem eiga íslenskan búning ættu að nota tækifærið og klæða sig uppá.
Öllum verður boðið að smakka hefðbundinn þorramat í hádeginu.
|
|
|
|
|
<< Upphaf < Fyrri 1 2 3 4 5 6 7 8 9 10 Næsta > Endir >>
|
|
Síða 1 af 69 |
